દિવાળી બાદ સતત તેજી વચ્ચે સીંગતેલ સ્થિર થયું; કપાસિયા તેલમાં રૂ.10 અને પામોલીનમાં રૂ.20નો ઘટાડો નોંધાયો
દિવાળીની રજાઓ પૂર્ણ થયા બાદ તેલબજારમાં જોવા મળેલી મંદી વચ્ચે પણ સીંગતેલના ભાવમાં સતત વધારો થઈ રહ્યો હતો. જોકે, આજે સીંગતેલના ભાવવધારાને બ્રેક લાગી હતી અને બજારમાં ભાવ સ્થિર રહ્યા હતા. બીજી તરફ સાઈડતેલોમાં ઘટાડાનો સિલસિલો યથાવત રહ્યો હતો. કપાસિયા તેલ અને પામોલીનના ભાવમાં વધુ ઘટાડો નોંધાયો હતો.
સીંગતેલના ભાવમાં કોઈ ફેરફાર નહીં
આજે સીંગતેલ લુઝનો ભાવ રૂ.1,825 પર સ્થિર રહ્યો હતો. જ્યારે ટેક્સપેઇડ ડબ્બાના ભાવ પણ રૂ.3,130 પર યથાવત રહ્યા હતા. દિવાળી બાદ સતત વધતા ભાવ વચ્ચે આજે કોઈ નવો વધારો ન થતાં ગ્રાહકોને થોડી રાહત મળી હતી.
કપાસિયા અને પામોલીનમાં ઘટાડો
સાઈડતેલોના ભાવમાં નરમાઈ જોવા મળી હતી. કપાસિયા તેલના ભાવમાં રૂ.10નો ઘટાડો થતાં ભાવ રૂ.2,460થી રૂ.2,520ની સપાટીએ પહોંચ્યા હતા. જ્યારે પામોલીન ડબ્બાના ભાવમાં રૂ.20નો ઘટાડો નોંધાયો હતો અને ભાવ રૂ.2,150થી રૂ.2,155 રહ્યા હતા.
આમ, આજે સીંગતેલમાં ભાવ સ્થિર રહ્યા હતા, જ્યારે કપાસિયા તેલ અને પામોલીનમાં ઘટાડાને કારણે તેલબજારમાં મિશ્ર સ્થિતિ જોવા મળી હતી.










