પોલીસનો પીછો જોઈ બે બુટલેગર કાર મૂકી ફરાર; 672 બોટલ વિદેશી દારૂ કબજે
ગોંડલ: ગોંડલ નજીક રૂરલ LCBએ દારૂ ભરેલી બ્રેઝા કારનો પીછો કરી તેને ઝડપી પાડી હતી. કારમાંથી 672 બોટલ વિદેશી દારૂ મળી આવ્યો હતો. પોલીસે દારૂ અને કાર સહિત કુલ રૂ.6.10 લાખનો મુદ્દામાલ કબજે કર્યો છે.
બાતમીના આધારે પોલીસે GJ-03-MR-3195 નંબરની કારને રોકવાનો પ્રયાસ કર્યો હતો. જોકે, કારચાલકે કાર ભગાવી દેતાં પોલીસે પીછો કર્યો હતો. બાદમાં સહારા પંપ નજીક બે શખ્સો કાર મૂકીને ફરાર થઈ ગયા હતા.
પોલીસે મુખ્ય આરોપી દેવાંગ રમણીક પરમાર, ગોંડલ અને અન્ય એક અજાણ્યા શખ્સ સામે ગુનો નોંધી બંનેની શોધખોળ શરૂ કરી છે.
