15 ઓક્ટોબરથી ₹2,000થી વધુના મર્ચન્ટ UPI ટ્રાન્ઝેક્શન પર 0.4% MDR લાગુ થવાના નિર્ણય બાદ વેપારીઓમાં વિરોધ જોવા મળી રહ્યો છે. આ ચાર્જ વેપારીઓએ ચૂકવવાનો છે અને ગ્રાહકો પાસેથી વસૂલવાનો નથી.
સુરત સહિત ગુજરાતના કેટલાક વેપારીઓએ UPI પેમેન્ટ ટાળવાની તૈયારી શરૂ કરી છે. સુરતના કાપડ વેપારીઓ દ્વારા બિલ પર છપાતા UPI QR કોડ પર પટ્ટી મારવાની શરૂઆત કરાઈ હોવાના અહેવાલો છે. કેટલાક વેપારીઓ ચેક અથવા અન્ય માધ્યમથી પેમેન્ટ સ્વીકારવાની તૈયારી કરી રહ્યા છે.
વેપારી સંગઠનોનું કહેવું છે કે વધારાનો ખર્ચ ખાસ કરીને મોટા વ્યવહારોમાં વેપારીઓના માર્જિનને અસર કરી શકે છે. અમદાવાદના વેપારીઓએ પણ મોટા વ્યવહારો પર વધતા ખર્ચ અંગે ચિંતા વ્યક્ત કરી છે.
જોકે નવા નિયમ મુજબ P2P UPI ટ્રાન્ઝેક્શન મફત રહેશે, ₹2,000 સુધીના ઘણા મર્ચન્ટ પેમેન્ટ પર પણ MDR લાગશે નહીં. નાના વેપારીઓને પણ નિર્ધારિત માસિક UPI રસીદ મર્યાદા સુધી છૂટ આપવામાં આવી છે.
