થલતેજના 62 વર્ષીય વેપારીને ગેસ બિલ બાકી હોવાનો ખોટો મેસેજ મોકલી ગઠિયાઓએ ઓનલાઈન ઠગાઈ આચરી. ગેસ કનેક્શન અનલોક કરવાના બહાને APK ફાઈલ અને ગૂગલ ફોર્મની લિંક મોકલી ક્રેડિટ કાર્ડની વિગતો તથા OTP મેળવી લીધા.
22 ટ્રાન્ઝેક્શનથી રૂ.8.26 લાખ સેરવ્યા
ગઠિયાઓએ વોટ્સએપ વીડિયો કોલ દરમિયાન સ્ક્રીન શેરિંગ કરાવી ICICI અને HDFC બેંકના ક્રેડિટ કાર્ડની વિગતો મેળવી હતી. ત્યારબાદ બંને કાર્ડમાંથી કુલ 22 ટ્રાન્ઝેક્શન કરીને રૂ.8.26 લાખ ઉપાડી લીધા. બેંકમાંથી શંકાસ્પદ ટ્રાન્ઝેક્શન અંગે ફોન આવતા વેપારીને છેતરપિંડીનો ખ્યાલ આવ્યો હતો. સાયબર ક્રાઇમ પોલીસે 1930 પર મળેલી ફરિયાદના આધારે તપાસ શરૂ કરી છે.
