ગાંધીનગર મહાનગરપાલિકાની 44 બેઠકો માટે યોજાયેલી ચૂંટણીમાં 59.25 ટકા મતદાન નોંધાયું છે. મતદાન પૂર્ણ થતાં હવે આવતીકાલે જાહેર થનારા પરિણામો પર સૌગાંધીનગર મહાપાલિકામાં 59.25% મતદાન, આવતીકાલે પરિણામ: રાજકીય ગરમાવો તેજની નજર ટકેલી છે અને રાજકીય વર્તુળોમાં ઉત્તેજના વધી છે.
શરૂઆતના કલાકોમાં મતદાનની ગતિ ધીમી રહી હતી, જેના કારણે ઓછા મતદાનની આશંકા ઊભી થઈ હતી. જોકે, બપોર બાદ વિવિધ મતદાન મથકો પર મતદારોની કતારો જોવા મળતાં મતદાનની ટકાવારીમાં વધારો થયો હતો. શહેરી વિસ્તારોની સરખામણીએ આસપાસના ગ્રામ્ય વિસ્તાર જેવા વિસ્તારોમાં વધુ મતદાન નોંધાયું હતું.
મહાપાલિકાનાં મેયર મીરા પટેલના વોર્ડ નંબર-5માં માત્ર 48 ટકા મતદાન નોંધાયું હતું. બીજી તરફ, મતદાન દરમિયાન અમદાવાદથી પણ વિવિધ રાજકીય પક્ષોના કાર્યકરો ગાંધીનગર પહોંચ્યા હતા. કેટલાક સ્થળોએ કાર્યકરો વચ્ચે ટકરાવની સ્થિતિ સર્જાઈ હતી, જોકે બાદમાં મામલો થાળે પડ્યો હતો.
હવે આવતીકાલે સવારે 8 વાગ્યાથી મતગણતરી શરૂ થશે. પરિણામો જાહેર થયા બાદ ગાંધીનગર મહાનગરપાલિકામાં સત્તાનું ચિત્ર સ્પષ્ટ થશે, જેને લઈને ભાજપ સહિતના રાજકીય પક્ષોમાં ઉત્સુકતા જોવા મળી રહી છે.
