પોલીસે દરોડો પાડી રોકડ અને ગંજીપત્તાં સહિત રૂ. 10,150નો મુદ્દામાલ કબજે કર્યો
જામનગર જિલ્લાના લાલપુર તાલુકાના ટેભડા ગામના પાદરમાં જાહેરમાં તીનપત્તીનો જુગાર રમતા ચાર શખ્સોને પોલીસે ઝડપી પાડ્યા હતા. પોલીસે સ્થળ પરથી રોકડ રકમ અને ગંજીપત્તાં સહિત કુલ રૂ. 10,150નો મુદ્દામાલ કબજે કરી કાયદેસરની કાર્યવાહી હાથ ધરી છે.
પ્રાપ્ત વિગતો મુજબ, તા. 19 ઓક્ટોબરના રોજ સાંજના સમયે ટેભડા ગામના પાદરમાં કેટલાક શખ્સો ગંજીપત્તાં વડે તીનપત્તીનો જુગાર રમી રહ્યા હોવાની માહિતીના આધારે લાલપુર પોલીસે દરોડો પાડ્યો હતો.
પોલીસની કાર્યવાહી દરમિયાન દિનેશભાઈ આલાભાઈ વાઘા (ઉં.વ. 35), લાલજીભાઈ દેવાભાઈ રાઠોડ (ઉં.વ. 40), ચનાભાઈ ભીમાભાઈ રાઠોડ (ઉં.વ. 55) અને જયંતિભાઈ દેવાભાઈ શિગરખીયા (ઉં.વ. 56), તમામ રહે. ટેભડા ગામ, તા. લાલપુર, ઝડપાયા હતા.
પોલીસે ચારેય શખ્સો પાસેથી રોકડ રૂ. 10,150 અને ગંજીપત્તાંનાં 52 પાનાં કબજે કર્યા હતા. આ મામલે લાલપુર પોલીસ સ્ટેશનમાં જુગારધારાની કલમ 12 હેઠળ ગુનો નોંધી આગળની કાર્યવાહી હાથ ધરવામાં આવી છે.
