પ્રાઇવેટ વીજ કંપનીના વિરોધમાં અઢી મહિનાથી આંદોલન; કિસાન આગેવાનોએ ખેડૂતોની મુલાકાત લઈ સમસ્યાઓ જાણી
મોરબી/જેતપુર: પ્રાઇવેટ વીજ કંપનીના વિરોધમાં મોરબી અને જેતપુર વિસ્તારમાં છેલ્લા અઢી મહિનાથી ચાલી રહેલા ખેડૂત આંદોલનને ઉત્તર પ્રદેશ અને રાજસ્થાનના કિસાન નેતાઓનું સમર્થન મળ્યું છે.
ઉત્તર પ્રદેશના કિશાન મજદૂર સંગઠનના સ્થાપક ઠાકુર પુરણસિંહ, યુવા કિસાન નેતા યશપ્રતાપસિંહ પુંડીર તેમજ રાજસ્થાનના બળવંતસિંહ સહિતના આગેવાનોએ આંદોલનકારી ખેડૂતોની મુલાકાત લીધી હતી.
આગેવાનોએ ખેડૂતો સાથે સીધી ચર્ચા કરી તેમની સમસ્યાઓ, રજૂઆતો અને આંદોલનના કારણો અંગે માહિતી મેળવી હતી. પ્રાઇવેટ વીજ કંપનીને લઈને ખેડૂતો દ્વારા કરવામાં આવતી રજૂઆતોને પણ સમજવાનો પ્રયાસ કરવામાં આવ્યો હતો.
આદિપુર ખાતે મહારાણા પ્રતાપ સર્કલ પર સ્થાનિક યુવાનો અને વિવિધ સંગઠનોના આગેવાનોએ કિસાન નેતાઓનું સાલ ઓઢાડી અને પુષ્પમાળા પહેરાવી સ્વાગત કર્યું હતું.
આ મુલાકાતને કારણે મોરબી-જેતપુરના ખેડૂત આંદોલનને હવે અન્ય રાજ્યોના કિસાન નેતાઓનું પણ સમર્થન મળ્યું હોવાનું સામે આવ્યું છે.
