ગુજરાતના ઐતિહાસિક મોઢેરા સૂર્ય મંદિરના 1,000 વર્ષ પૂર્ણ થવાના પ્રસંગે કેન્દ્ર સરકાર ₹100નો સ્મારક સિક્કો બહાર પાડશે. વડાપ્રધાન નરેન્દ્ર મોદીની સપ્ટેમ્બરના અંતમાં મોઢેરાની સંભવિત મુલાકાત પહેલાં નાણા મંત્રાલયે આ અંગેના નિયમો જાહેર કર્યા છે.
નાણા મંત્રાલયના આર્થિક બાબતોના વિભાગે 18 સપ્ટેમ્બર, 2026ના રોજ સિક્કા અધિનિયમ, 2011 હેઠળ GSR 825(E) જાહેરનામું બહાર પાડ્યું છે. સૂચના મુજબ સ્મારક સિક્કો ગોળાકાર હશે, તેનો બાહ્ય વ્યાસ 44 મીમી અને તેમાં 200 દાંતા હશે.
આ સિક્કો નિકલ-ચાંદીનો હશે, જેમાં 60% તાંબુ, 20% નિકલ અને 20% ઝીંકનું મિશ્રણ હશે. સિક્કાની ડિઝાઇન અને તેનું પ્રમાણભૂત વજન નિયમોમાં નિર્ધારિત કરવામાં આવ્યું છે.
મહેસાણા જિલ્લામાં આવેલું મોઢેરા સૂર્ય મંદિર સૂર્યદેવને સમર્પિત ઐતિહાસિક મંદિર છે અને ભારતીય પુરાતત્વ સર્વેક્ષણ (ASI) હેઠળ સંરક્ષિત સ્મારક તરીકે જાળવવામાં આવે છે.
