ગુજરાત હાઈકોર્ટની ડિવિઝન બેન્ચે અપીલ ફગાવી, ₹25 હજારનો ખર્ચ પણ યથાવત
વડાપ્રધાન નરેન્દ્ર મોદીની શૈક્ષણિક ડિગ્રી સંબંધિત માહિતી જાહેર કરવાની માંગના કેસમાં અરવિંદ કેજરીવાલની અપીલ ગુજરાત હાઈકોર્ટે ફગાવી દીધી છે. ચીફ જસ્ટિસ સુનિતા અગ્રવાલ અને જસ્ટિસ ડી.એન. રેની ડિવિઝન બેન્ચે અગાઉના સિંગલ જજના આદેશને યથાવત રાખ્યો હતો.
સિંગલ જજે માર્ચ 2023માં 2016ના CICના નિર્દેશને રદ કર્યો હતો અને કેજરીવાલ પર ₹25 હજારનો ખર્ચ લાદ્યો હતો. કેજરીવાલે આ નિર્ણયને ડિવિઝન બેન્ચમાં પડકાર્યો હતો.
હાઈકોર્ટે હવે તેમની અપીલ ફગાવી દેતા ₹25 હજારનો ખર્ચ પણ યથાવત રાખ્યો છે. આ કેસમાં PM મોદીની ડિગ્રી સંબંધિત માહિતી RTI હેઠળ જાહેર કરવાના મુદ્દે લાંબા સમયથી કાનૂની કાર્યવાહી ચાલી રહી હતી.
