મુખ્યમંત્રી ભૂપેન્દ્ર પટેલે તિરંગો ફરકાવી સલામી આપી; વિકાસના સંકલ્પ સાથે અનેક મહત્વની જાહેરાતો
અમરેલી ખાતે મુખ્યમંત્રી ભૂપેન્દ્ર પટેલની ઉપસ્થિતિમાં 80મા સ્વાતંત્ર્ય પર્વની રાજ્યકક્ષાની ભવ્ય ઉજવણી કરવામાં આવી હતી. મુખ્યમંત્રીએ રાષ્ટ્રધ્વજ ફરકાવી સલામી આપી હતી અને ઉપસ્થિત નાગરિકોને સંબોધિત કર્યા હતા.
સંબોધન દરમિયાન મુખ્યમંત્રીએ **‘રાષ્ટ્ર પ્રથમ’ અને ‘વિરાસતથી વિકાસ’**ના મંત્ર સાથે વિકસિત ગુજરાતના નિર્માણનો સંકલ્પ વ્યક્ત કર્યો હતો. આ પ્રસંગે તેમણે ગ્રામીણ પરિવારો માટે ખાનગી જમીન ખરીદીને પણ વિનામૂલ્યે પ્લોટ આપવાની જાહેરાત કરી હતી.
આ ઉપરાંત રૂ.3,428 કરોડના ખર્ચે રસ્તાઓના નવીનીકરણ અને સુધારણા, આંગણવાડીના બાળકોના પૂરક પોષણ આહારના દરમાં 67 ટકાનો વધારો તથા બિનઅનામત વર્ગના વિદ્યાર્થીઓ માટે વિદેશ અભ્યાસ લોનની વાર્ષિક આવક મર્યાદા રૂ.6 લાખથી વધારી રૂ.10 લાખ કરવાની જાહેરાત કરવામાં આવી હતી.
સમારોહ દરમિયાન ‘મારું અમરેલી’ સહિત સાંસ્કૃતિક કાર્યક્રમો, પોલીસ યોગ નિદર્શન, મહિલા રાયફલ ડ્રિલ, મોટરસાયકલ સ્ટંટ, ડોગ શો અને અશ્વ શોએ ઉપસ્થિતોમાં ઉત્સાહ અને દેશભક્તિનો માહોલ સર્જ્યો હતો.
કાર્યક્રમના અંતે મુખ્યમંત્રી ભૂપેન્દ્ર પટેલે ખુલ્લી જીપમાં સવાર થઈ નાગરિકોનું અભિવાદન ઝીલ્યું હતું અને વૃક્ષારોપણ પણ કર્યું હતું.
આ પ્રસંગે સાંસદ ભરતભાઈ સુતરિયા, ગોવિંદભાઈ ધોળકિયા, ધારાસભ્ય મહેશભાઈ કસવાલા, જનકભાઈ તળાવીયા સહિત પદાધિકારીઓ, અધિકારીઓ અને મોટી સંખ્યામાં નાગરિકો ઉપસ્થિત રહ્યા હતા.
