વરસામેડી વિસ્તારમાં ગેરેજમાંથી ચાલતો હતો ગાંજાનું વેચાણ; NDPS એક્ટ હેઠળ ગુનો નોંધાયો
અંજાર: કચ્છના અંજાર તાલુકાના વરસામેડી વિસ્તારમાં પોલીસે ગાંજાના ગેરકાયદે વેપાર સામે કાર્યવાહી કરતાં એક શખ્સને 270 ગ્રામ ગાંજા સાથે ઝડપી પાડ્યો છે.
પ્રાથમિક તપાસ મુજબ આરોપી પોતાના ગેરેજમાંથી ગાંજાનું ગેરકાયદેસર વેચાણ કરતો હોવાનું સામે આવ્યું છે. બાતમીના આધારે પોલીસે દરોડો પાડી ગાંજાનો જથ્થો કબજે કરી આરોપીની ધરપકડ કરી હતી.
પોલીસે આરોપી સામે NDPS એક્ટ હેઠળ ગુનો નોંધી વધુ તપાસ શરૂ કરી છે. સાથે જ ગાંજાનો જથ્થો ક્યાંથી લાવવામાં આવતો હતો અને કોને સપ્લાય કરવામાં આવતો હતો તે દિશામાં તપાસ હાથ ધરવામાં આવી છે.
