મુંબઈ: રિઝર્વ બેંક ઓફ ઇન્ડિયા (RBI)ની મોનેટરી પોલિસી કમિટી (MPC)એ રેપો રેટ 5.25 ટકા પર યથાવત્ રાખવાનો નિર્ણય કર્યો છે. પરિણામે હાલ હોમ લોન, કાર લોન સહિતની EMIમાં કોઈ ઘટાડો નહીં થાય.
RBI ગવર્નર સંજય મલ્હોત્રાએ જણાવ્યું કે વૈશ્વિક અનિશ્ચિતતા, ક્રૂડ ઓઈલના ભાવ અને મોંઘવારીના જોખમને ધ્યાનમાં રાખીને આ નિર્ણય લેવામાં આવ્યો છે. વ્યાજદરમાં ઘટાડો કરવાથી ફુગાવા પર દબાણ વધી શકે તેવી શક્યતા છે.
બીજી તરફ, ફિક્સ્ડ ડિપોઝિટ (FD) ધરાવતા ગ્રાહકો માટે રાહતની વાત એ છે કે હાલ વ્યાજદરમાં કોઈ ઘટાડો નહીં થાય, જેથી બચત પર મળતું વ્યાજ યથાવત્ રહેશે.
આ નિર્ણયથી હાલ લોનધારકોને EMIમાં રાહત નહીં મળે, જ્યારે બચતકર્તાઓ માટે હાલની વ્યાજદરની સ્થિતિ જળવાઈ રહેશે.
