ખાનગી કંપનીમાંથી કોપર-એલ્યુમિનિયમ વાયર ચોરીનો ભેદ ઉકેલાયો; રીઢા ગુનેગારો પોલીસ જાળમાં
દેવભૂમિ દ્વારકા: દ્વારકા નજીક કુરંગા સ્થિત આર.એસ.પી.એલ. (ઘડી) કંપનીમાંથી થયેલી કોપર અને એલ્યુમિનિયમ વાયર ચોરીના ગુનાનો દેવભૂમિ દ્વારકા એલસીબીએ પર્દાફાશ કર્યો છે. પોલીસે 7 આરોપીઓને ઝડપી પાડી રૂ. 9.51 લાખનો મુદ્દામાલ કબજે કર્યો છે.
બાતમીના આધારે એલસીબીએ ખંભાળિયા-પોરબંદર રોડ પર વાહન રોકી તપાસ કરતાં ચોરીનો વાયર મળી આવ્યો હતો. પૂછપરછમાં આરોપીઓએ કંપનીમાંથી વાયર ચોરી કરી જામનગરમાં વેચવા લઈ જતાં હોવાની કબૂલાત આપી હતી.
પોલીસે આરોપીઓ પાસેથી કોપર-એલ્યુમિનિયમ વાયર, રૂ. 4.72 લાખની રોકડ, કેરી પીકઅપ વાહન અને ચોરીમાં વપરાયેલા સાધનો સહિતનો મુદ્દામાલ જપ્ત કર્યો છે.
તપાસમાં ઝડપાયેલા આરોપીઓ સામે અગાઉથી ખંભાળિયા, વાડીનાર, લાલપુર, મેઘપર અને જૂનાગઢ સહિતના વિસ્તારોમાં અનેક ગુનાઓ નોંધાયેલા હોવાનું પણ સામે આવ્યું છે. સમગ્ર મામલે વધુ તપાસ ખંભાળિયા પોલીસ ચલાવી રહી છે.
