વાઘોડિયા રોડ પર ખાદ્ય પદાર્થોની ગુણવત્તાની તપાસ; કપાસિયા તેલના નમૂના લેવાયા
વડોદરા શહેરના વાઘોડિયા રોડ પર ઉમા ચાર રસ્તા પાસે મ્યુનિસિપલ કોર્પોરેશનની ખોરાક શાખા દ્વારા દરોડા પાડીને તપાસ હાથ ધરવામાં આવી છે. કાર્યવાહી દરમિયાન અત્યાર સુધીમાં કપાસિયા તેલના નમૂના લેવામાં આવ્યા છે.
ખોરાક શાખાની ટીમ દ્વારા ખાદ્ય પદાર્થોની ગુણવત્તાની ચકાસણી કરવાની સાથે વેપારીઓને સ્વચ્છતા જાળવવા અંગે સૂચનાઓ આપવામાં આવી રહી છે. તપાસ દરમિયાન અન્ય ખાદ્ય પદાર્થોના નમૂના પણ લેવામાં આવશે. નમૂનાઓના રિપોર્ટ અને તપાસના આધારે જરૂર જણાશે તો સંબંધિત વેપારીઓ સામે નોટિસ સહિતની કાયદેસરની કાર્યવાહી કરવામાં આવશે.
