પાંચમા પગારપંચના કર્મચારીઓ અને પેન્શનરોના મોંઘવારી ભથ્થામાં વધારો

ગુજરાત સરકારે ડીએ 381%થી વધારી 443% કર્યો, 1 જાન્યુઆરી 2024થી લાભ મળશે

ગુજરાત સરકારે પાંચમા પગારપંચ હેઠળ આવતા કર્મચારીઓ અને પેન્શનરો માટે મોંઘવારી ભથ્થામાં વધારો કરવાનો નિર્ણય લીધો છે. રાજ્યના નાણા વિભાગ દ્વારા મંજૂર કરાયેલા નિર્ણય મુજબ મોંઘવારી ભથ્થું 381 ટકાથી વધારીને 443 ટકા કરવામાં આવ્યું છે.

આ વધારાનો લાભ 1 જાન્યુઆરી, 2024થી લાગુ પડશે. આ સાથે કર્મચારીઓ અને પેન્શનરોને મળવાપાત્ર તફાવતની એરિયર્સની રકમ પણ ચૂકવવામાં આવશે. સરકારના આ નિર્ણયથી પાંચમા પગારપંચ હેઠળ આવતા કર્મચારીઓ અને પેન્શનરોને આર્થિક રાહત મળશે.