વિરપુરના પીઠડીયામાં દરોડો, ₹1.05 કરોડનો મુદ્દામાલ જપ્ત
રાજકોટ: રાજકોટ રેન્જ પોલીસે વિરપુરના પીઠડીયા ગામની સીમમાં સરકારી ખરાબામાં ચાલતા ગેરકાયદે ખનીજ ખનનનો પર્દાફાશ કર્યો છે. પોલીસે સ્થળ પરથી 3 ડમ્પર, 1 JCB અને મોટી માત્રામાં રેતી જપ્ત કરી કુલ ₹1.05 કરોડનો મુદ્દામાલ કબજે કર્યો છે.
ચોક્કસ બાતમીના આધારે PSI બી.સી. મીયાત્રા અને ટીમે દરોડો પાડ્યો હતો. કાર્યવાહી દરમિયાન ડમ્પર અને JCBના ચાલકોને કસ્ટડીમાં લેવામાં આવ્યા હતા.
જપ્ત મુદ્દામાલમાં આશરે ₹15 લાખની JCB, ₹90 લાખના 3 ડમ્પર અને રેતીનો જથ્થો સામેલ છે.
મુદ્દામાલ અને આરોપીઓને આગળની કાયદેસરની કાર્યવાહી માટે વિરપુર પોલીસને સોંપવામાં આવ્યા છે. ખાણ-ખનીજ વિભાગને પણ જાણ કરવામાં આવી છે.
રાજકોટ રેન્જ પોલીસે સ્પષ્ટ કર્યું છે કે ગેરકાયદે ખનન અને ખનીજ ચોરી સામે કાર્યવાહી સતત ચાલુ રહેશે.
