ટ્રેનમાંથી દાગીના-રોકડાનું પર્સ તફડાવ્યું; રૂ.2.99 લાખનો મુદ્દામાલ જપ્ત
રાજકોટ: રાજકોટ રેલવે જંકશન પર ચાલતી ટ્રેનમાંથી મુસાફરનું પર્સ ચોરી કરનાર **સાદાન ઉર્ફે રાજુ સમીર ડોસાણી (ઉ.વ.21)**ને રેલવે પોલીસે ગણતરીના કલાકોમાં ઝડપી લીધો છે.
ચોરી થયેલા પર્સમાં સોનાની ચેઇન, બુટી, બે મોબાઈલ ફોન અને રોકડ હતી. ફરિયાદ મળ્યા બાદ રેલવે પોલીસે તપાસ શરૂ કરી હતી.
ચોક્કસ બાતમીના આધારે પોલીસે ગેલ માતાજીના મંદિર નજીકથી આરોપીને ઝડપી લીધો હતો. તેની પાસેથી ચોરી થયેલો પર્સ અને તમામ વસ્તુઓ મળી આવી હતી. કુલ રૂ.2.99 લાખનો મુદ્દામાલ કબજે કરવામાં આવ્યો છે.
પોલીસ તપાસમાં આરોપી સામે અગાઉ પણ ચોરી, દારૂ, જાહેરનામા ભંગ અને મારામારી સહિતના ગુનાઓ નોંધાયેલા હોવાનું સામે આવ્યું છે.
રેલવે પોલીસે આરોપીની વધુ પૂછપરછ હાથ ધરી છે.
