LCBની રેડમાં ₹4.70 લાખનો મુદ્દામાલ જપ્ત; વીસીપરા અને ટંકારા સહિત અનેક સ્થળે કાર્યવાહી
મોરબી: મોરબી જિલ્લા LCBએ જુગાર સામે કાર્યવાહી કરતાં પાનેલી ગામની સીમમાં વાડીની ઓરડીમાં દરોડો પાડ્યો હતો. જુગાર રમતા 10 શખ્સોને ઝડપી લેવામાં આવ્યા હતા.
પોલીસે સ્થળ પરથી ₹2.40 લાખ રોકડા અને 17 મોબાઈલ ફોન મળી કુલ ₹4.70 લાખથી વધુનો મુદ્દામાલ કબજે કર્યો હતો.
આ ઉપરાંત વીસીપરામાં ત્રણ અલગ સ્થળે રેડ કરી કુલ 17 શખ્સોને રોકડ રકમ સાથે ઝડપી જુગારધારા હેઠળ કાર્યવાહી કરવામાં આવી હતી.
ટંકારા અને મોરબીમાં પણ જુગારની બે અલગ રેડ કરવામાં આવી હતી. પોલીસે રોકડ રકમ સાથે અન્ય શખ્સોની પણ ધરપકડ કરી હતી.
સમગ્ર મામલે પોલીસે જુગારધારા હેઠળ ગુના નોંધી વધુ તપાસ હાથ ધરી છે.
